ICBM Gospel Revival Group Hna Lennak

ICBM Thawngtha chimnak program cu thok a si bantuk in CBCUSA pastors le revival groups hna nih khrihfabu zumtu kip sin ah aupi a si.

Lunglomhnak

1. Hi ICBM Revival akan tawlrel dih tu ,CBC-USA kan mino Officer pawl Salai Tum Bik (CCC) , Mai Cin Cin ( ICBC) an cung ah kan i lawm tuk. Hi vialte schedule tleihpiak, umkalnak vialte, khuakip le pastors te appoinment tuahpiak , minung akal dingmi kawl hawl vialte tawlrel piak hi thil ol cu asi hrimhrim loh. An mah thawng in kan tlam atling. Pathian tu nih thluachuahnak pe ko hna seh.

2. Indianapolis khrihfabu kip mino upa le tuanvo ngeitu hna cung ah kan i lawm. Nan mah le nan khrihfabu cio ah felfai taktak in nan kan zuampiak, hi nih hin tlam atlin ter. Cun ICBC revival caah heh tiah nunnak le caan pek in re akan theih piaktu, khuakip ah akal tu  kan mino dih lak cung ah kan i lawm tuk. Pathian nih thluachuahnak in pe hna seh. Caan pek hi nun i cheuh le i hrawm  asi. 

3. Pastor David Thaw Ma ( CCC Pastor ) cung ah le CCC khrihfabu cung ah kan i lawm. Amah hi sianginn akai pah, khrihfabu azohkhenh pah hna, cu lak ah, mi an tlam atlin lo poah ah tuanvo akan lak piaktu asi. Voi 4 le voi 5 bak te kan fial mi asi. Lungtho taktak in akan dirkamh taktak tu mino kan pastor asi.CCC khrihfabu zong nih lunglawm tein an pastor pa an rak thlah peng mi cung zong ah lunglomhnak kan chim. 

4.Khrihfabu rian le zei dangdang tampi lak ah ICBM revival caah, Thawngtha chim ding in caan akan hman piak tu, Indianapolis in Pastors dangdang vial te cung ah kan i lawm tuk. Nan mah pipi hna nih nan van kan kalpi ah hin lung ahmui taktak khi asi.

5. Indianapolis, CEBC kan khrihfabu cung ah le kan pastor Rev.Thawngling Mualhlun cungah lunglomhnak tampi ka ngei. Achan baumi minung zawn poah ah, nan kan fial ve caah pumpak in kai lawm taktak. Kei zong voi 4 le voi 5 te ka kal ve, Khrihfabu le kan pastor nih ICBM caah cun na kal khawh chung in kal ko, kan mah nih khrihfabu cu tuanvo kan lak dih ko lai an ti i, zalong tein ka kal khawh ve mi asi. Cu lo ah cun hi zat hi ka kal kho ve hnga loh. Pathian nih thluachuahnak pe ko hna seh. 

6. Bawipa min in lumsa taktak in, thlum al taktak in, akan co hlangtu khrihfabu 14 cung ah kan i lawm tuk. Nan dih nan heu mi vialte le nan kan zohkhenhnak vialte hi Pathian nan dawtnak chung in aluangmi lawng te asi. Pathian nih taksa, thinlung, thlarau damnak in pe hna seh law, Pumpak cio athar in thluachuahnak in pe hna seh tiin thla kan in cam pi hna.

7. Mid – America ( UCCC ) khrihfabu cung ah kan i lawm,
Chicago, UCCC Pastor Chan Thawng Lian te khrihfabu ah October 26 – 27 , 2013 kan va kal kho ve. ZCC,ICBC,CCC le CEBC in minung 16 kan si. lunglawm tein an kan cohlan mi cung ah kan i lawm tuk.An mah zong an tha atho taktak khi asi.Kan van i tong ve lai i atha arem tiin general nih an ruah ko ah cun, kum vui lei cun hi Mission riantuannak ah tel khawh kan van i zuam ve lai an ti..Fak piin thla akan cam pi, thazaang an kan pek, an thinlung kau taktak in an rak on..Pathian nih thluachuahnak pe ko hna seh.