ICBM Missionaries Training

ICBM Missionaries Training cu hlunghlai taktak in Nov. 21- 30, 2015 ni ah Hakha khua HBC hmun ah kan tuah. Paletwa in 34, Kanpalet in 24, Mindat in 5 le Gangaw in 4 an ra kho. ICBM a silo mi missionary 4 nih anmah TA in le Shimi tlang in pastor 2 nih an kan telpi. Nau a neimi (Yom Tee le Ko Way) nau he an ra i an va le nih an van zulh hna.

Cawnpiak tu hna:

Dr. Siang Zi (CCU)   Christian Education and Mission (6 hrs)
Syama Hiak Hlem (CCU)  Biblical Foundation of Mission (6 hrs)
Dr. Thang Hnin Lian  Health in remote Area (4 and half hrs)
Rev. Thawng Lian Thang (IBC)   Pray and Giving (4 and half hrs)
Dr. Cung Lian Hup (ICBM) Contextual Mission (6 hrs)
Sayaci Bawi Khung (ATEO)  Current Myanmar School Education System (1 and half hrs)
Dr. Hrang Kil (CARD) Organic Food and Health (1 and half hrs)
Pastor Za Thawng Cin  (3 hrs)
M. Thawng Kam (ICBM) Report and Plan (3 hrs)

Zing pumhnak a kan hruaitu hna:

1. Rev. Ca Peng (HBC)

2. Dr. Bei Rona (BBC)

3. Dr Mang Len Sung (CCU)

4. Dr Hrang Kil (CARD)

5. Rev. Hrang Awi (CCU)

Special Talk

1. Rev. Paul Tum Ceu (HBC)

 2. Rev. Dr Lal Uk  (CACC)

Eidin le Thuttonak

HBC bawmh kan hal hna. Chumhchuan le dinei vialte an kan zohkhenh pin ah ihnak, kholhnak vialte an kan damhpiak dih. Anmah tuahmi program bantuk in chambaunak umlo in an kan zohkhenh. 

Khua a kik tuk lo. Zing zan ah can tawite a kik. Cumpi lufah tibantuk chimlo zualhma a zawmi an umlo.

Cawnning

Cawnpiakmi vialte a felfai dih. Mission caah bawmtu tha an si. Hman colh tha lawngte an si. Dr Thang Hnin Lian nih thitah a chimh hna. An i duh ngaingai. Amah zongnih siaherhnak nganpi he can tampi a kan pekpiak. Zing devotion pumh hruaitu hna chimmi zong nih thinlung a tongh ngaingai. Special Talk a chim tu hna experience sharing nih mit a fim ter chinchin fawn. A kaimi an i lunghmuih. Fial chom deuh an si hna na in kan caah a rak tha khun in ka hmuh.

Phaisa hmannak

Rawl ca eidin bakbak ah sing 32 kan dih. HBC nih chumhchuan an kan bawmh caah a tlo deuh. TA ah kan hmang tambik, Sing 75 a dih. A kaimi paoh Sport Shirt, nithawng, mawza, note book le ballpen pakhat cio kan pek hna. Retreat ca kan hmanmi dihlak sing 120 tluk a si.

Field Report

Field Director nih report an pek cio. Ca in thate in an i tial cia caah a fiang ngai. 2015 chung ah zumtu thar (zumlo tu in) minung 68 Bawipa nih theipar a kan pek. Hi pin ahhin zumtu a rak si nain Nah-tah-lah luh ruangah Buddhist ah ai letmi hna le a min zumtu a si nain pumh hmanh a hngal tilo mi hna chung zong in zumhnak chung ah hruailuh than mi an um len. 2014 ah zumtu thar 92 an si. Tukum ta hi cu a palh lem lailo dah. Kanpalet in 4 le Paletwa in 64 an si. Nikum ah thlarau theipar tambik pekmi cu Kanpalet director Saya Pain Bo a si i tukum ah cun Paletwa, Cile missionary Sayama Hmuai Kyu Kyu a si. Missionary hna nih hin ICBM timhtuah ning cung ah an lung a fiang deuh chin lengmang in ka hmuh. Association zung lei tu hi dirkamh tu tha dirhmun an phan kho deuh rihlo.

Can hmannak

Zarhpini voi 2 kan hmang. A hmasa zarhpi ni cu HBC ah kan i pum dih. ICBM can an kan pek. A voi hnihnak cu Hakha khuachung khrihfabu 7 (SLMBC, IBC, Peniel, Olive, Zion, Agape le Bethel) ah can kan hmang. Khrihfabu hna nih ICBM riantuannak kong an van theih khawh. Missionary hna ca zong ah man ngei ngaingai a si. Pumh le can hmanning cang, pekchanhnak le Khrihfabu riantuan nak kong an mitnih a hmuh khawh caah lamhruai tu tha ah a cang.

Phak ka zarhpi ni pumh tian hnu in Hakha khua a rawhnak hmunhma le biakinn hna kan zoh pihna. cun khuathar tlaklio mi zong kan zoh. An lung a suk ngaingai hna caah anmah lung tho te in bawmhnak kan pek ve lai an ti. Unau hna tuarnak hrawmpi ve hrimhrim an duh ti ka hmuh caah ka thlauh hna lo. TA kan pekmi hna chung in an chuah cio. Ks. 647,500. a chuak i HRC ah anmah hrimhrim nih an va pek hna.

Bawmhnak

Biakinn le Saya inn a ngeilo mi hna inn sakpiak ding fakpi in kan i caih hna. A van kua cangmi hna phaisa zong kha a zapi in kan pe dih colh hna lo. A sa hmasa ding le a herh hmasa sin ah an hman chom ding zoh in kan thenphawt hna.

Xmas tuahnak ca bawmtu cung ah kan tha a nuam. Hi bawmhnak zong hi hawi dang kan thenh phawt chin hna. Khua tam deuhpi nih an co khawh. a zawhlo mi hna an um len rih. A tinglo mi hna nih hawi an hngar ko nain holhlo te in an um.