Paletwa Mission
Paletwa minung hna hi Buddhist le khuachia biami Animist an tam bik. Kawl cozah nih Buddhist ah luh ter dih a duh hna. Sifak le ngakttah bawmhnak tuah piak in Buddhist ah can ter dih a timh hna. Paletwa peng minung cu kan biaknak a khah lo ruangah le miphun dang nih an phak khawh deuh hna ruangah Chinmi sinak nak in Zakhaing le Kawl miphun si hna an duh deuh cang. Pathian thawngttha kan chimh hna ahcun Jesuh Khrih khamhnak an co lai. Kan miphun sinah lungrep an ngei lai. Kan ram ah zalawng tein Pathian thawngttha chim khawh a si lo caah sifak le ngakttah cawmnak inn kan sak lai i hi ka hmun in Pathian bia he kan tthan ter hna lai. Hirianttuannak cu mission & evangelism long hmanh si lo in, miphun runvennak zong a si chihlai. Evangelism (thawngttha chimnak) le Nationalism (phunttanhnak) thinlung cu an kal tti lai.
Kanpalet Mission
Kanpelet peng ahcun sifak ngakchia cawmnak inn an ngei cang. Sifak hngakchia hna kha Pathian bia he kan cawm hna lai. Hi bantuk in mission rianttuannak hi kan Kawlram dirhmun in cun a tlak bik mi a si. Ngakchia long si lo in an nu le an pa le innchungkhar dihlak in khrihfa ah an cang kho.
