CBCUSA Youth Leadership Consultation cu Bawipa lam hruainak thawngin tlamtling tein kan dih khawh. Khrihfabu 30 reng lo kan i tel kho i, kan dihlak in 170 hrawng kan si i Highland Camp (Indy) ah kan tuah.
Group 10 in kan i then hna le tu lio Khrihfabu Mino kan i hruainak kong kan i ceih hna. Tlamtling tein kan i ceihmi dihlak report cu a rauh hlan ah kan rak thlah te lai. Mino hruaitu upa nih fiang tein kan hmuh khawh mi cu atu lio mino hi US in a thang mi lawngte an si cang le a luancia mino he an khuaruah ning, an umtuning, le an duhmi thil an i khat ti lo. Cucaah 3rd generation mino pawl aw-ann hi tampi theih a herh ko ti kan ruah caah hi camp hi kan tuah mi cu asi. Fiang deuh in Mino director Pastor David Thawma nih report a kan thlah piak te lai le kan ceihmi tete rel khawh asi te lai. A hlei in kan nu le pa nih ttha te’n nan kan rel piak dingin kan in nawl hna. Nan fa le kan ruahning le kan dirhmun nan kan theih piak ding hi a biapi taktak tiah kan ruah.
Thlacam, ruahnak pek, le thazaang in a kan bawmtu vialte nan dihlak cungah kan i lawm. Bawipa nih CBCUSA hi amah sunparnak caah kan hmang chin ko seh! Atang lei youtube hi camp kan cawlcangh ning video tawite asi. Bawipa nih thluachuahnak in pe dih ko hna seh.
https://www.youtube.com/watch?v=_vX5IoGgr68
Lunglawmhnak he,
CBCUSA Youth Department