Hakha khua ah minung 3000 a tlummi hall sak ding in hnatlak a si. Carson Hall hi a fa tuk deuh i program lian deuh tuah khawh nak ding ah hall lianmi kan herh. Vawleipum Laitlai Chin khrihfabu dihlak nih CACC hruainak in sak ding in timhtuah a si. Myanmar ram chung khrihfabu dihlak le ramdang Chin khrihfabu dihlak nih tuan ti ding in ruah a si. Kan tan ti hna ahcun kan sak khawh ko lai.
Hakha Vailamtah Thlacamnak Hmun kam ah hmun tha tuk a um. Hi ka hmun ah sak ding Hakha Christian Ministers Fellowship nih a kan sianh cang. Vawlei hi registration an tuah hmasat hnu ah sak khawh a si lai.
Hakha Vailamtah Thlacamnak Hmun pawngkam te ah hall sak khawhnak hmun tha a um. Hakha Chrstian Ministers Fellowship nih Pathian dawtnak le ram le miphun dawtnak ruang ah sa ko u tiah an kan ti cang. ICBM Office Inn zong hi compound chung kan kan sak lai. Kan i lawm tuk.
Hakha Khua Thar le Hakha Thar karlak ah a um. A tu Hakha khua sining in hmun lai ah a cang. Hakha University he a naih.
Kanpalet khua ah ICBM Multipurpose Center sak ding a si. Kanpalet cu mission rian kan tuannak ah Bawipa nih thluachuah a pek ngai.
Kanpalet Towship Baptist Association compound chung ah boarding school hi kan sak i CACC nih KTBA he i bawm in siangngakchia 40 an um ter hna. Khua te in sianginn a rak kaimi umnak caah a tha tuk.
Biakinn dawh te pakhat kan sak mi a si.
Kanpalet khua. Victoria Tlang tang ah a um. Tourists tampi an kal lengmang caah hotel tha zong a um.
Mindat Towship Baptist Association ah ICBM Multipurpose Center cu kan sak lai. Siangngakchia zong um ter khawh a si te lai.
Mindat khua
Mindat thil thuam hi aa dawh ngai. Chinmi cu kan nunphung le hlawn thil tha tuk a ngeimi miphun kan si. Kan i dannak hi Bawipa sunparnak caah a cang kho cang.
