Thantlang Pastor te Dirkamhnak

Ral ruang ah kan khuapi pakhat Thangtlang cu zamtak dirhmun kan phan. Pastor tampi zong turuun sinah an zam ve. Pastor rian cu phaknak hmun poah ah turuun zohkhenh hau a si caah thlahhlawh loin har ngaiin rian a tuan cuahmah mi tampi an um. Khrihfabu an ngeih ti lo caah rian tuannak le pawcawmnak zongah an har lio caan a si bantuk in Mission Department nih Ralzam pastor bawmhnak ti si lem loin, dirkamnhnak rian kan thawk. Thantlang khuachung ah rian a tuan mi pastor, thlahlawh pek khawh lo mi hna kha thla khat ah Kawlram tangka 150,000MMK in dirkamhnak rian TABC he i bawm in kan thawk. Khrihfabu nih thlahlawh peklo mi pastor cu a tling tein kan pek hna i, khrihfabu nih singkhat pek mi cu 50,000MMK le thong sawmnga pek mi cu singkhat tiin thlakhat ah singkhat le cheu hmu ding in tuakpiak in dirkamhnak rian cu TABC he kan thawk.