Rev. Dr. Ceu Lian Thang

CBCUSA General Secretary cu Rev. Dr. Ceu Lian Thang a si. 1992 ah Myanmar Institute Theology, Insein, Rangoon in M.Div a dih hnu ah Lai Baptist Church, Yangon ah Pastor kum hnih a tuan. LBC ah Pastor rian a thawknak. 1994 in Singapore ah Bible kum thum chung a kai. Mah hnu ah student visa in Los Angeles, USA ah a phan i, kum 1999 ah Doctor of Ministry (DMin) in a dih. Sianginn a dih in, Dallas ah a thial i khrihfabu le community caah volunteer in rian a tuan. Mexico lei in USA ah a rak lut mi hna Political Asylum sok le Malaysia le Guam lei in a phan thar mi hna caah pumpak pawcamnak rian tuan pah in kum thum tluk zanghlei cawi in bawmtu pakhat a rak si ve. 

Dallas chung um mi khrihfabu le community ah sau ngai volunteer in a tuan hnu ah, Refugee Service of Texas (RST) nih full time rian tuan ding in an sawm. 2007 ah Employment Coordinator a tuan. RST ah kum 5 a tuan hnu, 2010 ah Texas Chin Baptist Church nih full time pastor si ding ah an rak thim. Pastor a tuan lio ah, Dallas Chin Ministers Fellowship ah hruaitu a tuan pin ah kum 2015-2018 tiang in CBCUSA Southern Area Secretary a kemh chih. July 2022 ah CBCUSA General Secretary tuan dingin thim a si caah, a tu cu CBCUSA Head Quarters, Indianapolis ah a chungkhar he an um lio a si.