Women Department
Nubu Rian Tuannak
CBCUSA Women Department cu CBCUSA hruainak tang ah Department pakhat in a um mi a si. 2006 ah khrihfabu 7 te lawng in rak dirh mi sihmanhsehlaw Pathian lam thawng in 2023 ah cun khrihfabu 120 tel mi Nubu a hung si cang.
CBCUSA WD rian ṭuannak ah hruaitu hna cu Office Bearers minung 9 an si i Executive Committee hna cu OB 9 le Area le Fellowship in aiawhtu pahnih cio, a hnubik Women Director le President 2 hna he minung 20 hi an si. Women Department rian ṭuannak ah BM cu nawl ngeihnak sangbik a ngeitu a si i, kumhnih ah voikhat CBCUSA Biennial Civui kum le training tuah kum ah i ton le meeting tuah a si.
OB hi Nubu nih aa tinh mi tlamtlinhnak caah ṭuanvo ngeitu a si i EC hi Nubu cawlcanghnak ah ṭuanvo ngeitu, biatak tein ruahnak chuah in khua a khang, lai a rel i a cawlcangtu a si.
Latest Photos
Upcoming Events
Latest Videos
Tar Zohkhenhnak/Elderly Home Project
CBCUSA Nubu nih cuhlan vialte cu ramchung ramleng ah bawmhnak le mission rian ṭuannak ah hma a lak deuh caah ramchungah Project ngan hmai thlak ngam lo in rak um a si.
2020 thawkin Project nganpi tuah dingin thlacamnak he timtuahnak Nubu nih a ngeih. US ram ah a ummi kan Chin tarnu tarpa hna mirang holh a thiam lomi hna mirang nursing home i holh theih lo bu in va um ding cu zeitlukin dah a har lai ti hi ruah tikah, lung a nuam kho hrim lo, cucaah mah le holh tein i zohkhenhnak inn hi CBCUSA Nubu nih ngeih siseh tiah chunmang a manh i cu project cu ṭuan dingin a liang cungah khinh a si.
Hi project caah hin fund kawl lio pi a si. Pathian nih tlam a tlin ter hram nak lai thlacamnak in ṭang cio hna usih
Tu lio hmaithlak in a rian ṭuanmi
Victoria Camp Hospital siibawi Surgeon pahnih, thlakhat $2,000, pakhat ah $1,000 veve in hlawh a pek.
- Central YLA, Lawngtlai, Mizoram he Drugs dohnak ah thla fa te $500 tel in a ṭuan ve
- Central YMA, Aizawl, Mizoram he Drugs dohnak (CADS) ah thla fa te $1,000 tel in a ṭuan
ve. - ICBM missionary pa 2, Saya Hla Shwe, New Thantawng, Paletwa Myone le Sayama
Khaing Khin Aung, Dartwekyauh, Rakhine ah a ṭuanmi a zohkhenh hna. - Ramchung ram lengah zu le sii sal in an luatnak caah a ṭuanmi buu, charity rian ṭuannak
ah bawmhnak a kuat - Ramchung ramleng, ralzam le ralkap, dohthlennak caah a herhningin din loin a colcang
ve
Meet Our Leaders
OB + EC Committee Leaders
CBCUSA Nubu riantuannak ah OB le EC hruaitu ding ah Bawipa nih a thimmi nusal tha hna.