CBCUSA cu kan ram uknak a that lo ruangah hmunkip kaakip in US a rak phanmi khrihfa asi cia mi hna, holh ai khatmi, i hawi kawmhnak le funtomnak bu asi. Kan biaknak le kan nunphung kilvennak, Khrih khamhnak thawngtha karhternak, kan lu asi mi, Khrih lei ah a lam kip in  thanchonak, le kan miphun humhimnak le kilvennak, caah tinh in rak thawkmi  bu asi. 

Cu tinhmi tlamtlinnak dingah, Phungthlukbia 14:34a ah “ Miphun a lianhngantertu cu dinnak asi” tiah kan hmuh bantuk in, kan miphun nih Bawipa duhnak kawl in, dinfelnak hi kan i tlaihchih i, kan i nunpi zungzal dingah CBCUSA nih a biapi in ruahmi le dirpi mi asi. 

A hram thawk ahcun minung tlawmte in rak thawkmi asi nain, Job 8:7 ah “na thawknak cu hme hmanhsehlaw na donghnak cu a ngan lai” tiah kan hmuh bantuk in, Pathian nih thluachuah a pek i, atu ahcun chungtel khrihfabu 120 renglo kan si cang i, chungtel milu 33,000 renglo kan si cang. 

CBCUSA cu General Secretary hruainak in Executive Officer, Board of Directors, Departments, Committee le Area, Fellowship tiin then in aa hruaimi bu asi. 

CBCUSA Chung Riantuanntu hna cu a tanglei CBCUSA Leadership zawn ah hin zoh khawh an si.