Lay Institue for Equipping the Saints (LIFES)

LIFES Kong

Thlarau pakhat hi lei le van dihlak nakin a man a fak deuh (Mark 8:37-38‚Äč). A tlau sual ahcun zeihmanh in chanhchuah khawh asi ti lo i a can a um lo teah Thlarau tlau chanhchuah nak riantuan dingin Pathian nih a dirhmi riantuantu Phu cu vawlei ah KHRIHFABU lawnglawng asi. Khrihfabu dirh a sinak chan cu Zungzal Hremhmun ah Thlarau in a thi dingmi hna chanhchuahnak riantuan ding asi. Mtt.16:18

Pathian nih a khinhmi tuanvo a lim khawh nakhnga Khrihfabu hi a dam a herh. Damnak ding caah

  • Khrihfabu a um chan (Purpose)
  • A dammi Khrihfabu Sullam
  • Zeitindah Khrihfabu a dam lai
  • Zeidah kan thok lai
  • Honihdah a thok lai ti hna hi Khrihfabu hruaitu hna nih felfai tein cawn le theih a herh.


Pathian nih Chin miphun a kan cawisan i, CBCUSA ramchung ah chungtel thong sawmthum lengin Khrihfabu Za leng a kan dirh pi. Sunparnak rian nganpi in tuan kho dingmi thawnnak (Potential) kan chungah a um. Cu thazang kan ngeihmi chuahter cu Hruaitu hna kan rian asi bantuk in a dammi Khrihfabu, Pennak caah San a tlaimi miphun ah kan can nakhnga HRUAITU hna nih kan herhmi vialte cawn le theih kan herh.

Hi hmun ah:

  • Pastor
  • Khrihfa upa
  • Nubu upa
  • Mino upa
  • CE upa
  • Hruaitu dangdang dihlak
  • Chungkhar ah nubik pabik dihlak
  • Pumpak in biatak ah than a duhmi vialte


Biatak Cawnnak, Thithruaining (Leadership) le Pathian rian tuannak tawlrel ning (Ministry Management) hna cawnnak hmun asi i a duhmi poah kai khawh asi.