Khrihfabu kan karh, riantuan awk a tam bantukin bu kip ah Lutlai Pastor siseh, Mino pastor siseh a herh mi kan tam chin lengmang.

Pastor lak tikah thiam lo ruangah maw, a thok ah felfai tein bia i ruah lo ruangah maw, rian thok hnu ah Pastor lei in siseh Khrihfabu lei in siseh lungtlin lo nak ngeihnak in aa thok tawn i, rian i fian lo nak le sual i phawt nak hna chuak in sunparnak rian ah lunglawm tein rian domh timi kha a donghnak ah huatnak le mithmai chiatnak, Khrihfabu tiang kehkuainak phak khawh asi caah lak hlan tein Khrihfabu lei nih siseh rian a domh dingmi Pastor nih siseh theihherh mi thil tampi mah le mah karlak ah i ruahzia thiam set lo mi thil tampi tawlrel pi a herh tawn caah Khrihfabu nih Pastor nan herh i nan kawl tikah kan in bawmh khawh hna.

Pastor kawlpi nak si seh, nan hmuh ciami pastor biaruah pi nak le lamhmuhsaknak siseh naih tein tlamtling tein Khrihfau tukhal nan ngeih khawh nakhnga THLACAMNAK he kan in dirpi khawh hna.