Youth

Avoi 5nak Leadership Camp

Published on:

Avoi 5nak Leadership Camp cu March 9 – 11 tiang White Bluff, TN ah a um mi Hillmont Camp ah tlamtling ngai in kan tuah. Khrihfabu 31 in mino upa 110 kan i tel kho. Tu kum cu retreat muisam deuh in tuah a si caah cawnpiaktu sawm loin biaruahnak (panel discussion) in caan kan hmang hna. Ni hnih chung Bible Study and Youth Ministry timi le Disciple Making in Youth Ministry timi tlangtaar kan i ruah hna. Syma Ni Iang Zi, Sya Van Duh, Pastor Tuan Tin Ceu, Syma Mang Za Tial le Sya Van Hmung Ling nih a herh mi an kan chimh. Bible Study hruaining le Khrih zultu serning tampi an kan hrawmh. Thlacamnak, Pathain thangṭhatnak le i hawikomhnak kan ngei hna. Khrihfabu cu hruaitu aa thleng lengmang mi a si bantukin mino hruaitu thar kan um lengmang caah Leadership Camp hi pehzulh lengmang ding a si.